Palio di Santa Monica Ospiate

Poesia sul Palio


El Palio de Ospiaa

Il Palio di Santa Monica
 
Gh'è el palio de Siena, de Legnan,
quèll de Asti on palio coi bander
con paggi in costum, tamburini e alfier ...
ma el palio pussee bèll lassemèl di'
l'è quell de Ospiàa che'l comincia chi.
 
Hinn quatter rion partecipant ai giòegh con baldanza
per Santa Monica tùcc in gara ... sfida a oltranza
per vinc el palio, on bèll stendard con onor
ma chi sarà el rion del palio, el vincitor ?...
 
Simbol d'ona cort on pò veggiotta,
azur me'l ciel del nost paes...
l'è el stendard "Rion de la Pirotta"
con tanta bella gènt in gara con passion
guidàa dal capitano orgogli del rion.
 
Ross me' i quadrei quèll de la fornas
on rion nòev arent la gesa tra la pàs,
giald la ghisalba come i fior di so pràa,
verd el mulino ... on canton rinomàa
con la Madonina l'angol pussee bell de Ospiàa.
 
Che bèll el palio ... tanta baldanza e allegria
salamitt, pèss fritt e on bon bicer de vin
ona giornada colorata de giovinezza e simpatia
string la man a tanti amis del mè paes
bella gènt sorrident gentil e cortes
che l'è el caratter de tùcc i Ospiates,
e mi v'el disi i mè car amis....
Ospiàa l'è on angol de paradis.
                         

                                         Dante Tagliabue
                                         poeta in Ospiate

Ospiate, 7 giugno 1987
 
Questo sito web stato creato gratuitamente con SitoWebFaidate.it. Vuoi anche tu un tuo sito web?
Accedi gratuitamente